... 桌球,又叫檯波 或𧰵波,係一種喺全球範圍內比較多人玩嘅高雅室內體育運動,原理係用杆喺檯上面𧰵波、跟住計數而定邊個輸贏嘅室內娛樂體育項...

桌球

桌球粵拼coek3 kau4),又叫檯波toi2 bo1,又寫做枱波)或𧰵波duk1 bo1,又寫做篤波督波),係一種喺全球範圍內比較多人玩嘅高雅室內體育運動,原理係用杆喺檯上面𧰵波、跟住計數而定邊個輸贏嘅室內娛樂體育項目。

呢個運動最早嗰時喺地上玩,就喺戶外嘅地挖個窿,將波用木棍𧰵入個窿入面。直到17世紀中葉先至從室外轉到室內嘅檯度玩。而家嘅桌球發展到有士碌架美式16波中式8波俄式16波開侖等等……尤其係士碌架同美式16波或佢嘅衍生品種已成為比賽項目。

歷史

桌球早喺17世紀時出現喺歐洲室內

桌球運動嘅起源眾說紛紜,所以好難定到喺邊度,但最早喺16世紀出現。嗰時呢項運動嗌成「男人嘅遊戲」,但凈得有錢佬嘅家庭先至玩得,而且都幾流行下。

源自法國

1904年,美國人道遜喺佢著作話法王查理七世時期有桌球出現。而且個名早喺15世紀喺法國出現。由於法王路易十四嘅禦醫建議國王餐後做桌球活動嚟方便健身,所以先至畀法王鍾意同關心咗。到咗17世紀,桌球逐漸喺法國開始流行。

19世紀初期,德國一帶用嘅桌球檯重長過而家啲桌球檯品種。

源自英國

公元19世紀嘅英國英格蘭維多利亞女王年代,有好多人關注咗桌球,喺啲有錢佬屋企入面唔單止有豪華兼講究嘅桌球間,甚至喺玩桌球嗰時有嚴格嘅活動禮節,而呢啲規定時至今日都重用緊。1836年12月,英國唔單止自發成立咗第一間桌球協會,重喺倫敦誕生咗第一張桌球檯同第一間桌球館。

源自中國

英國詩人哥頓喺1674年出嘅一本書入面,寫咗好多桌球史。尤其講到桌球喺十字軍東征時,從東方帶到歐洲嘅一種古老遊戲,之後經意大利西班牙改造過嘅。

用品

桌球檯
內文:桌球檯

據作家同史學家亨德列斯考察過,世界第一張桌球檯喺公元1400年出現,嗰時啲桌球檯冇袋,得拱門或柱門。後嚟啲人喺檯中間開咗個圓窿,跟住喺檯嘅四隻角各開咗個窿。由於啲窿數多咗,所以搞到啲人開始諗到點玩波,直到喺檯開咗6個窿為止先至演變成而家嘅落袋式桌球檯。

球棍

內文:桌球棍

最早嘅球棍可以追溯到16世紀初嘅歐洲,嗰時用嘅係代表權貴同突出皇室家族意義嘅權杖。18世紀中葉凈係皇公貴族嘅娛樂活動,之後逐漸喺大眾開始流行。桌球桿都睇啱嗰時嘅桌球運動發展而開始咗佢嘅生產,尤其係幫皇公貴族整嘅球棍,重鑲咗金銀珠寶、特殊木材同稀有石材(連鑽石都唔例外)等名貴材質嚟突出尊貴同藝術性。

十九世紀之前,美國嘅大多數球棍都喺歐洲進口,同時重將整球桿技術傳到美國一帶。由於有好多人工整嘅球棍出廠,所以鍾意玩桌球啲人開始唔用公棍,而係用好多種花哩碌啲相嘅手工球棍,重跟埋訂造啲人點玩同打擊性能需求而開始流行,結果球棍按消費者嘅需求,要整啲比較人性化嘅球棍(例如:重量、長度、前截軟硬度、前截直徑幅度、握把直徑、綁線方式、先角材質、接合型式、鑲嵌材質……)。嗰時重有啲人因為整球棍賣到成紅成市,跟住出嗮名都有。

桌球用波嘅直徑嘥士(從左到右):
重有種專畀細蚊仔用嘅係 28.5mm 嗰種。

從1929年開始,由於美國國內受當地嘅政局動蕩同第二次世界大戰影響,搞到桌球業開始下滑,發展甚至出現停滯。直到1961年,由於電影《The Hustler英文The Hustler》開始熱播,桌球業先至開始重新受關注。先係桌球館開始猛咁開業,跟住球棍業亦重新開始發展。直到1980年為止,球棍已經發展得好犀利,除咗用各種進口同國內嘅木材之外,甚至發展到用返舊時嘅石材、象牙、寶石工藝都整埋上去。尤其喺1986年,由於電影《金錢本色英文The Color Of Money》熱播,球棍重加入咗電腦嘅鐳射雕刻功能,甚至整出好多精細又複雜嘅球棍。

內文:桌球用波

桌球最早用嘅波係用木材或黃銅整嘅,後嚟受到印度象牙裝飾品同高級用具啲嘢影響而改用咗象牙。嗰時一隻象牙可以整五個波,結果每年要有幾萬隻象牙先至可以解決咁火熱嘅桌球用波生意。由於桌球啲波嘅質地要好高,加上要夠圓,而且每隻波嘅重同嘥士都一樣。嗰時由於技術水平比較低,要使好多錢先至可以買到噉嘅波,所以得皇室同貴族啲人先至有。直到1868年,由於桌球喺歐美地區發展得好犀利,加上有好多人玩嗰啲波,結果紐約有間桌球公司出咗10000徵求象牙波嘅替代品。嗰時美國塑膠工業之父——希日英文John Wesley Hyatt,用化學方法研製咗樹酯桌球,從而大大噉降低咗桌球用波嘅成本。

而家啲桌球館入面用嘅支架,大多數都係呢啲類似品種。

支架

內文:桌球支架

桌球嘅支架係用嚟將啲波按範圍方便排返好,唔使搞到點排而立立亂。呢種用具一般喺開檯或打完一場後開下一場嗰時成日用到佢。佢嘅樣大多數係圓角三角形品種。

戳粉

桌球成日用嘅戳粉
內文:戳粉

戳粉係一種搽喺波棍尖嚟加強波棍同主波之間嘅摩擦。一般用滑石粉嚟整成正方體噉,中間有條凹槽。成分雖然同粉筆一樣,但佢有分橙色同淡綠白色兩種。一般嚟講,士碌架用嘅係淡綠白色品種,比較乾燥;而美式16波用嘅係藍色品種,比較濕啲。呢種粉係由威廉·A·史編克斯英文William A. Spinks威廉·荷士堅斯英文William Hoskins (inventor)喺1897年發明嘅[1] 。

玩法嘅發展

開侖

內文:開侖

桌球喺1510年喺法國出現,嗰時法國國王路易十四凡爾賽宮玩嘅單波(Single Pool)品種。原理係喺張檯放個象牙拱門條象牙立柱,跟住用匙羹樣嘅棍豰個波入去門入面或撞到個柱就有分。最初得兩隻波,到咗1775年時加多隻紅波,之後英國人有樣學樣,搞到波檯有三個波,重將呢種玩法嗌成開侖。而家桌球界重有呢種玩法。

美式桌球

內文:美式桌球

美式桌球係西班牙佬喺1504年傳入佛羅里達州。英國佬又喺1607年將桌球帶到維珍尼亞州。1690年,移咗民嚟南卡羅來納州住嘅法國佬亦將桌球運動帶到美國。嗰時雖然有好多歐洲國家將桌球運動傳入美國,但未得到好快發展,直到1800年之後先至開始流行。經過好多年嘅研究發展,到咗19世紀中葉,由於桌球嘅技術、比賽方法同規則等方面,都出現咗好大嘅改良同完善,而家佢同士碌架一齊風靡全球各地。時至今日,美式桌球已經發展到有16波9號波10號波等等一系列玩法。

士碌架

內文:士碌架

士碌架喺1875年由住喺印度嘅英國軍官——尼維爾·鮑斯·張伯倫(Neville Bowes Chamberlain)同佢班觀音兵發明出嚟。喺佢出世之前,早就有好多種唔同嘅桌球玩法。但有種嗌Black Pool嘅玩法成日喺張伯倫嘅軍隊玩。就係用1隻白波,15隻紅波同1隻黑波。點知有日,張伯倫同佢班觀音兵覺得噉玩落去好悶而決定加黃、綠、粉紅三隻彩波;但無耐又加多咗隻啡同藍波。結果形成咗而家風靡全球各地嘅士碌架。個名出喺尼維爾張伯倫嘅順口簧[註 1]

  1. 因爲英文單詞嘅snooker係snook嘅變形,加上英國嗰邊通常將snook講成cock,帶有一定嘅貶義性。詳細解釋請去維基辭典。

  1. "The World's Most Tragic Man Is the One Who Never Starts" 互聯網檔案館歸檔,歸檔日期2006年8月25號,., Clark, Neil M.; originally published in The American magazine, May 1927; republished in hotwire: The Newsletter of the Toaster Museum Foundation, vol. 3, no. 3, online edition. Retrieved February 24, 2007. The piece is largely an interview of Hoskins.

相關

連出去





  Go to top  

This article is issued from web site Wikipedia. The original article may be a bit shortened or modified. Some links may have been modified. The text is licensed under "Creative Commons - Attribution - Sharealike" [1] and some of the text can also be licensed under the terms of the "GNU Free Documentation License" [2]. Additional terms may apply for the media files. By using this site, you agree to our Legal pages [3] [4] [5] [6] [7]. Web links: [1] [2]